♥..AIK DIN AAYE GA, WOH SHAKS HUMAARA HOGA..♥ "

Uski Aankhoon Mein Mohabbat Ka Sitaara Hoga..
Aik Din Aaye Ga Ke! Woh Shaks Humaara Hoga..

...Tum Jahaan Mere Liye Sipiyaan Chunte Ho..
Woh Kisi Aur Hi Duniya Ka Kinaara Hoga..

Zindagi Ab Ke Mera Naam Na Shaamil Karna..
Gar Ye Teh Hai Ke! Yehi Khail Dubaara Hoga..

Jis Ke Hone Se Meri Saans Chala Karti Thi..
Kis Tarhaan Us Ke Bagair Apna Guzaara Hoga..

Ye Achaanak Jo Ujaala Sa Hua Jaata Hai..
Dil Ne Chupke Se Tumhaara Naam Phukaara Hoga..

Ishq Karna Hai To Din Raat Use Souchna Hai..
Aur Kuch Zehen Mein Aaya To Khasaara Hoga..

Ye Jo Paani Mein Chala Aaya Sunehri Sa Garoor..
Us Ne Dariya Mein Kahein Paaon Utaara Hoga..

Mujhko Maloom Hai Mein Jese Hi Qadam Rakhoon Gi..
Zindagi Tera Koi Aur Kinaara Hoga..

Jo Meri Roh Mein Baadal Ki Tarhaan Basta Hai..
Us Ne Seene Mein Koi Dard Utaara Hoga..

Kaam Mushkil Hai Magar! Jeet Hi longi Usko..
Mere Mula Ka Jese Hi Ishaara Hoga..