zahmat mere qatil tujhe hogi na zara bhi
talwar bhi majood hai hazir hai gala bhi

dono hi aasiri ka sunati hain fasana
zanjeer ki jhankar bhi payal ki sada bhi
...
karta hai haqaik se jab inkar zamana
hota hai kisi zahan ke goshe mein khuda bhi

phooti hai kiran uss ke dareechon se sahar ki
jis ghar ko mayasar na tha mitti ka diya bhi

aijaz batataeiN hai ye halat tay taiwar
ek roz badal jayenge adab-e-waffa bhi